Forsíða
Vífilsstaðir 100 ára Skoða sem PDF skjal Prentvæn útgáfa Senda í tölvupóst
Skrifað af: Vefstjóri   
Föstudagur, 27. ágúst 2010 09:57

Í tilefni af hundrað ára afmæli Vífilsstaða verður haldin hátíð á Vífilsstöðum 

laugardaginn 4. september kl. 13-16. Sjá nánar á meðfylgjandi auglýsingu.

 

Vfilsstair_100_ra_Dagskr

Síðast uppfært: Föstudagur, 27. ágúst 2010 10:13
 
Haustferð 2010 Skoða sem PDF skjal Prentvæn útgáfa Senda í tölvupóst
Skrifað af: Vefstjóri   
Miðvikudagur, 18. ágúst 2010 15:12

Haustferð laugardaginn 11. september 2010

 

Takið frá daginn fyrir hina árlega haustferð Skógræktarfélags Garðabæjar sem að þessu sinni verður farin um Rangárþing með viðkomu í Flóanum. Nánari leiðarlýsing verður send út síðar.

 

Stjórn Skógræktarfélags Garðabæjar

 
Nýjar gönguleiðir Skoða sem PDF skjal Prentvæn útgáfa Senda í tölvupóst
Skrifað af: Vefstjóri   
Miðvikudagur, 11. ágúst 2010 09:42

Nýjar gönguleiðir á útivistarsvæðum Garðabæjar

 

Nýjum útivistarstígum hefur fjölgað í sumar, með verkefnum skógræktarhópa bæjarins.

Leiðin fyrir Hlíðarhorn vestur fyrir enda Vífilsstaðahlíðar lokar hring. Ef gengið er inn með Vífilsstaðavatni, upp í Gunnavatnsskarð, um Grunnuvötn, niður með Vífilsstaðahlíð og fyrir Hlíðarhorn að bílastæðinu við lækinn þ.e.  aðkomu Vífilsstaðavatns. Þarna uppá Grunnuvötnum er hægt að tína ber, bæði bláber og krækiber, skoða Vífilsstaðaselið og víðsýnt er frá brún Vífilsstaðahlíðar. Gönguleiðin er númer 6 á Útivistarkortinu gönguleiðir í Garðabæ, göngutími um 90 mín.

                                   Utsyni_fra_Grunnavatnsskardi

                                   Útsýni frá Grunnavatnsskarði

 

Vífilsstaðavatnshringurinn: Þeir sem óska að bæta við hringinn umhverfis Vífilsstaðavatn, lengja göngutúrinn með því að fara inná stíginn fyrir Hlíðarhorn og sveigja yfir Elliðavatnsveg á lækjarstíg sunnan Vífilsstaða og loka hringnum t.d. á Vífilsstöðum. Göngutími þessarar hringleiðar er um 60 mín.

Veljið öruggar gönguleiðir, best fjarri umferðagötum.

Ef gengið er upp með Vífilsstaðavegi og um brúna yfir Reykjanesbraut, ætti göngufólk að velja sér leið um hlaðið á Vífilsstöðum. Í stað þess að ganga utan í vegkanti Vífilsstaðavegar, sem er hættuleg gönguleið.  Stígurinn austur frá Vífilsstöðum hefur nýlega verið lagfærður.

Einnig er nýi göngustígurinn meðfram Vetrarbraut tenging á þessa gönguleið gegnum Vífilsstaði, t.d. fyrir íbúa í Hnoðraholti.

 

                                 Stgur_austur_fr_Vfilsstum_a

                                 Stígur austur frá Vífilsstöðum

 

Smalaholtið gefur orðið fleiri möguleika til gönguleiða.

Þar hafa verið lagðir tveir nýir göngustígar. Annar var opnaður í fyrra og liggur hann frá raflínumastri vestan í Smalaholtinu upp hlíðina og síðan austur með hábrún holtsins og endar við reiðstíg. Í sumar var síðan lagður stígur neðar í holtinu til baka frá enda fyrri stígsins á móts við reiðstíginn.

Neðri stígurinn liggur gegnum skógræktarreiti ýmissa félagasamtaka í Garðabæ og frá honum eru tengingar að rjóðrum í reitunum þar sem eru borð og bekkir sem félögin hafa sett upp.

Gangan eftir þessum tveimur stígum tekur um 30 – 40 mínútur. Við efri stíginn hefur verið komið fyrir bekkjum þar sem hægt er að njóta stórkostlegs útsýnis yfir Vífilsstaðavatn, Garðabæ, Hafnarfjörð, Flóann og Reykjanesið.

 

                                 Utsyni_fra_Smalaholti     

                                 Horft yfir Vífilsstaðavatn frá göngustígnum í Smalaholti   

 

Síðast uppfært: Föstudagur, 13. ágúst 2010 20:10
 
Skógræktarátak 2010 Skoða sem PDF skjal Prentvæn útgáfa Senda í tölvupóst
Skrifað af: Vefstjóri   
Laugardagur, 31. júlí 2010 11:47

Ungir Garðbæingar í skógræktarátaki 2010

 

Á annað hundrað ungmenni unnu við umhirðu og ræktun á útivistarsvæðum Garðabæjar í júní og júlí. Verkefnin voru liður í atvinnuátaki sem gerður var samningur um milli Skógræktarfélags Íslands, Garðabæjar og Skógræktarfélags Garðabæjar. Meginverkefni sumarsins voru lagning og viðhald göngustíga, hefting lúpínu og hreinsun rusls á útivistarsvæðunum en einnig fengust ungmennin við áburðargjöf, þökulagnir, gróðursetningu, niðurrif og viðhald girðinga og önnur tilfallandi verkefni.

Helstu athafnasvæði unga fólksins voru ræktunarsvæði Skógræktarfélags Garðabæjar í Smalaholti og í Sandahlíð, friðlandið við Vífilsstaðavatn, Urriðaholt og fjörur og hraun í bæjarlandinu.

 

aIMG_3725    aIMG_3739

 

Af verkefnum sumarsins ber einna hæst gerð nýrra stíga í Smalaholti og um Hlíðarhorn vestan í Vífilsstaðahlíð. Nýi göngustígurinn í Smalaholti tengist öðrum stíg sem lagður var ofar í holtinu í fyrra sumar og saman mynda þeir skemmtilega og fjölbreytta hringleið um skógræktarsvæðið. Stígurinn um Hlíðarhorn liggur frá plani við Vífilsstaðavatn suður fyrir enda hlíðarinnar í átt að Maríuvöllum. Er mál manna að lagning stígsins hafi verið orðin löngu tímabær enda tengir hann saman tvö afar vinsæl útivistarsvæði í bæjarlandinu, annars vegar friðlandið við Vífilsstaðavatn og hins vegar sunnanverða Vífilsstaðahlíð í Heiðmörk.

 

 aIMG_3703 aIMG_3708 aIMG_3768

 

Enn fremur var mikil áhersla lögð á heftingu lúpínu í friðlandinu við Vífilsstaðavatn og á svæðum Skógræktarfélagsins. Tilgangur heftingarinnar er einkum að koma í veg fyrir að lúpínan breiðist frekar út með tilheyrandi raski á því fjölbreytta dýra- og plöntulífi sem fyrir er á svæðunum. Á skógræktarsvæðunum var einnig gert átak í að klippa lúpínu frá lágvöxnum trjáplöntum sem stendur nokkur ógn af henni.

 

aIMG_3789 aIMG_3787

aIMG_3791 aIMG_3779

 

Með almennri umhirðu, stígagerð og annarri uppbyggingu á útivistarsvæðunum er komið til móts við þann mikla fjölda fólks sem nýtir sér þau allan ársins hring, sem fylgir nokkur ágangur. Vinsældum svæðanna fylgir óneitanlega nokkurt rask á gróðri og aðstöðu. Er því nauðsynlegt að sinna vel umhirðu og viðhaldi á næstu árum.

 

Einar Örn Jónsson

umsjónarmaður skógræktarsvæða Skógræktarfélags Garðabæjar

 

Matthías Ólafsson

umsjónarmaður atvinnuátaks Garðabæjar og Skógræktarfélags Íslands

Síðast uppfært: Laugardagur, 31. júlí 2010 12:28
 
<< Fyrsta < Fyrri 21 22 23 Næsta > Síðasta >>

Síða 22 af 23

Viðburðadagatal

Maí 2018
M Þ M F F L S
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
skra-mig

Skoðanakönnun

Hvað er uppáhalds tréð þitt