Aðalfundur Skógræktarfélags Garðabæjar 2025 verður haldinn, mánudaginn 24. mars kl. 20:00, í Safnaðarheimilinu Kirkjuhvoli.
DAGSKRÁ
Hefðbundin aðalfundarstörf.
Önnur mál.
Kaffihlé.
Upplýsingaóreiða um skógrækt.
Aðalsteinn Sigurgeirsson skógfræðingur, sérfræðingur hjá Landi og skógi, fjallar um málið.
Allir hjartanlega velkomnir.
Stjórn Skógræktarfélags Garðabæjar
Skógræktarfélag Íslands stendur fyrir röð fræðslufunda nú í febrúar og mars. Fundirnir verða haldnir í salarkynnum Arion banka að Borgartúni 19 og hefjast kl. 19:30.
25. febrúar – Framandi og ágengt birki í íslenskri náttúru – pælingar, kynbætur og árangur.
Þorsteinn Tómasson plöntuerfðafræðingur segir frá starfi sínu en hann hefur í áratugi unnið að kynbótum á íslensku ilmbjörkinni undir yrkisheitunum Embla og Kofoed en hefur auk þess víxlað við aðrar birkitegundir frá norðurslóðum og þróað vaxtarmikil yrki, m.a. undir heitunum Hekla og Dumba.
5. mars – Faðir minn átti fagurt land
Gísli Gestsson, kvikmyndagerðarmaður mun sýna myndina „Faðir minn átti fagurt land“ frá 1968, sem hann gerði í samvinnu við Hákon Bjarnason skógræktarstjóra. Einnig mun hann sýna úrval mynda gerða fyrir Átak um Landgræðsluskóga árið 1990.
13. mars – Skógar Bretagne. Hápunktar úr fræðsluferð Skógræktarfélags Íslands haustið 2024
Elisabeth Bernard og Ragnhildur Freysteinsdóttir segja í máli og myndum frá ferðalagi til Bretagne-skagans í Frakklandi síðasta haust, þar sem skoðuð voru tré í skógum og görðum og fræðst um skógrækt svæðisins.
Jólaskógur í Smalaholti verður haldinn
laugardaginn 14. desember kl. 11:30–15:00.
Fjölskyldan velur sér tré í skóginum og fellir sjálf.
Fallegar furur og greni.
Sama verð á öllum jólatrjám óháð stærð,
Kr. 8.000
Aðkoma að skóginum í Smalaholti er
frá Elliðavatnsvegi norðan við Vífilsstaðavatn.
Haustferð Skógræktarfélags Garðabæjar var farin laugardaginn 14. september.
Að þessu sinni lá leiðin um Biskupstungur.
Lagt af stað frá Garðabæ kl. 9 um morguninn.
Fyrsti viðkomustaður var Haukadalsskógur þar sem Trausti Jóhannsson skógarvörður tók á móti félagsmenn og fræddi okkur um staðinn. Gengið var um skóginn á nýlögðum kurlstígum sem eru til mikillar fyrimyndar og gera skóginn mjög aðgengilegan.
Við eldstæði í Haukadalsskógi.
Frá Haukadal var ekið að Gamlhólum í Miðhúsaskógi þar sem hjónin Haraldur Tómasson og
Inga Guðmundsdóttir tóku á móti okkur og sýndu okkur ræktunarsvæði sitt. Ræktunin er um 30 ára gömul og er geysilega tegundarík og var gaman að sjá hve mismunandi græni litur trjánna getur verið. Þarna mátti sjá margar mjög forvitnilegar trjátegundir sem sjást ekki víða.
Hópurinn í landi Haralds Tómassonar og Ingu Guðmundsdóttur.
Frá Gamlhólum var ekið að gróðrarstöðinni Kvistabæ í Reykholti sem sérhæfir sig í ræktun skógarplantna og ræktunin þar skoðuð. Gróðrarstöðin ræktar eingöngu til stórnotenda en er ekki með smásölu. Mikil sjálfvirkni er í sáningu þannig að mannshöndin kemur lítið nærri, aðallega starfar mannaflinn við koma bökkum að vélunum og taka þá frá eftir að sáð hefur verið í þá. Athyglisvert er að plönturnar eru geymdar í frystigámum að vetri yil þar sem haldið er 4 stiga frosti. Þannig verða lítil afföll af plöntunum þar sem engir umhleypingar eru að vetrarlagi.
Í ræktunargróðurhúsi í Kvistabæ.
Haldið var heim á leið eftir velheppnaðan dag í frábæru veðri og komið til Garðabæjar um kl. 19.
Haustferð Skógræktarfélags Garðabæjar verður farin laugardaginn 14. september n.k. um Biskupstungur.
Félagið leggur til rútu til ferðarinnar en þátttakendur þurfa að hafa með sér hádegisnesti.
Dagskrá:
Þeir, sem hyggjast taka þátt í þessari ferð þurfa að tilkynna það sem fyrst og eigi síðar en fimmtudags-kvöldið 12. september til: Sigurðar Þórðarsonar formanns, í síma 864-5038 eða á netfang; sigthordar@internet.is
|
Fyrsta vinnukvöld Skógræktarfélags Garðabæjar heppnaðist svo vel að ákveðið hefur verið að blása til annars á morgun, mánudaginn 3. júní. Safnast verður saman við aðstöðu félagsins við Vífilsstaðaveg kl. 19 og farið þaðan á skógræktarsvæðin þar sem haldið verður áfram með áburðargjöf, hreinsun meðfram stígum og lagfæringar og snyrtingar. Þá stendur einnig til að gróðursetja nokkur tré. Allir eru hjartanlega velkomnir. Stjórn Skógræktarfélags Garðabæjar
|
Aðalfundur Skógræktarfélags Garðabæjar verður haldinn í Safnaðarheimilinu Kirkjuhvoli mánudaginn 8. apríl kl. 20:00.
Dagskrá fundarins
Allir hjartanlega velkomnir.
Stjórn Skógræktarfélags Garðabæjar
Fjöldi fólks kom í jólaskóginn í Smalaholti á laugardaginn enda er sterk hefð fyrir því í mörgum fjölskyldum að fara í jólaskóginn og finna draumatréð fyrir heimilið. Gestir urðu ekki fyrir vonbrigðum að þessu sinni heldur snéru glaðir í bragði og rjóðir í kinnum úr skóginum með fenginn í eftirdragi. Þá var gott að þiggja heitt súkkulaði og eitthvað sætt að maula á meðan trénu var rennt í gegnum tromluna. Tæplega 80 tré seldust að þessu sinni og rennur allur ágóði til Skógræktarfélags Garðabæjar. Það munar um minna fyrir félagið sem ber hitann og þungann af ræktun og umhirðu í Smalaholti og víðar í bæjarlandinu. Skógræktarfélag Garðabæjar þakkar bæjarbúum kærlega fyrir komuna og stuðninginn og hlakkar til að taka á móti þeim að ári.
Helga Thors, stjórnarmaður í félaginu, fangaði stemninguna á myndir.
Það er óhætt að segja að starfsemi Skógræktarfélags Garðabæjar hafi verið með blómlegasta móti á árinu samkvæmt nýútkominni starfsskýrslu félagsins. Meðal annars stóð félagið fyrir haustferð, vinnukvöldum, bauð grunnskólanemum að gróðursetja Yrkjuplöntur og sinnti umhirðu og uppbyggingu útivistarskóganna vinsælu í Smalaholti og Sandahlíð.
Hér má nálgast starfsskýrsluna:
Jólaskógur í Smalaholti
laugardaginn 9. desember kl. 11:30–15:00.
Fjölskyldan velur sér tré í skóginum og fellir sjálf.
Fallegar furur og greni.
Sama verð á öllum jólatrjám óháð stærð,
Kr. 8.000
Aðkoma að skóginum í Smalaholti er
frá Elliðavatnsvegi norðan við Vífilsstaðavatn.
Nýlegar athugasemdir