Aðalfundur Skógræktarfélags Garðabæjar 2016

verður haldinn fimmtudaginn 3. mars 2016 og hefst kl. 20:00.

 

Fundarstaður:

Safnaðarheimilið Kirkjuhvoll við Kirkjulund

 

 

DAGSKRÁ:

1.         Venjuleg aðalfundarstörf:

1.1.           Kjör fundarstjóra

1.2.           Skýrsla stjórnar 2015

1.3.           Reikningar félagsins 2015

1.4.           Ákvörðun um félagsgjöld 2016

1.5.           Stjórnarkjör. Kjósa skal formann, þrjá aðalmenn og tvo til vara auk skoðunarmanns reikninga.

2.         Önnur mál

3.         Kaffiveitingar í boði félagsins

4.         Gestur fundarins Bjarni Diðrik Sigurðsson frá Landbúnaðarháskóla Íslands, erindið hans verður um Skógrækt og náttúruskógar í Chile.

Allir eru hjartanlega velkomnir.

Stjórn Skógræktarfélags Garðabæjar

 

Bjarni Diðrik Sigurðsson fjallar um náttúruskóga Chile í erindi sínu. Ljósmynd: Bjarni Diðrik.

 

Vel heppnaður jólaskógur í Smalaholti

 

Góð jólastemning var í fallegu vetrarveðri, logni og frosti í Smalaholti laugardaginn 12. desember þegar Skógræktarfélag Garðabæjar var með opinn jólaskóg. Þá gafst fjölskyldum tækifæri til að velja sér jólatré í skóginum.

Undanfarin ellefu ár hefur Skógræktarfélagið staðið fyrir jólaskógi í Smalaholti og oft í samstarfi við önnur félög í Garðabæ sem hafa ræktað skógarreiti í holtinu. Í ár var Kvenfélag Garðabæjar samstarfsaðilinn og bauð gestum upp á heitt kakó og piparkökur í Furulundi eftir göngu um skóginn.

Gaman er að sjá stórfjölskyldur koma ár eftir ár í skóginn og velja tré til jólanna og upplifa hressandi útivist. Sumir voru að koma í fyrsta sinn og voru undrandi á þessum yndislega stað svo skammt frá byggð.

Grisjun skógarins er jafnframt markmið með jólaskóginum þannig að trén sem eftir standa hafa betra vaxtarrými. Varast ber í umhirðu skógræktarsvæða að láta trén vaxa saman þannig að þau skemmi hvert annað. Hjálparsveit skáta í Garðabæ hefur einnig hjálpað til við grisjun í skóginum en sveitin hefur undafarin ár fengið að grisja 100 furur á ári úr Sandahlíð, gegn vægu gjaldi, og selt síðan íbúum á Garðatorgi.

Garðabæingar eiga útivistarskóg rétt við byggðina sem fjölskyldur geta heimsótt allan ársins hring til útivistar og yndisauka. Skógræktarfélag Garðabæjar hefur markvist unnið að því að rækta skóginn við bæjarmörkin undanfarin 25 ár svo og að opna hann fyrir almenning með lagningu göngustíga.

Jólaskógur

Smalaholti við Vífilsstaðavatn

laugardaginn 12. desember kl. 12-16

 

Fjölskyldan velur og sagar sér jólatré

Sama verð fyrir allar stærðir kr. 7000

 

Boðið upp á

heitt kakó og piparkökur

 

Skógræktarfélag Garðabæjar

Kvenfélag Garðabæjar

Kort af Smalaholti

Nýtt kort af útivistarsvæðinu á Smalaholti hefur verið sett upp við aðkomuna að svæðinu. Á kortinu má sjá alla göngu- og reiðstíga á Smalaholti, áningarstaði, bílastæði og aðrar upplýsingar sem geta nýst fólki sem á leið um holtið. Loftmyndir ehf unnu kortið fyrir Skógræktarfélag Garðabæjar.

Pdf-skjal af kortinu má nálgast hér. Hægt er að stækka kortið til að skoða það nánar.

 

Kort af Smalaholti

Nýtt kort af útivistarsvæðinu á Smalaholti hefur verið sett upp við aðkomuna að svæðinu. Á kortinu má sjá alla göngu- og reiðstíga á Smalaholti, áningarstaði, bílastæði og aðrar upplýsingar sem geta nýst fólki sem á leið um holtið. Loftmyndir ehf unnu kortið fyrir Skógræktarfélag Garðabæjar.

Pdf-skjal af kortinu má nálgast hér að neðan. Hægt er að stækka kortið til að skoða það nánar.

 

Kort af Smalaholti

Nýtt kort af útivistarsvæðinu á Smalaholti hefur verið sett upp við aðkomuna að svæðinu. Á kortinu má sjá alla göngu- og reiðstíga á Smalaholti, áningarstaði, bílastæði og aðrar upplýsingar sem geta nýst fólki sem á leið um holtið. Loftmyndir ehf unnu kortið fyrir Skógræktarfélag Garðabæjar.

 

Pdf-skjal af kortinu má nálgast hér að neðan. Hægt er að stækka kortið til að skoða það nánar.

 

Vel sótt myndakvöld

 

Myndakvöld frá Póllandsferð var vel sótt af félagsfólki og ferðafélögum sem fengu einnig boð á myndakvöldið.

Góður rómur var gerður af greinagóðri kynningu Sigurðar Þórðarsonar með myndum frá formanni og fleiri ferðafélögum.

Þó að hópnum hafi verið stundum skipt í tvennt eða jafnvel í fjóra hópa gat hann þess hvað hverjum og einum hóp var boðið uppá um skóg- og fjalllendi eða menningarleiðsögn í borgum.

 

 

Myndakvöld frá þjóðgörðum í Póllandi 

Skógræktarfélag Garðabæjar býður öllum áhugasömum til myndakvölds mánudaginn 19. október sem hefst kl. 20:00 í Safnaðarheimilinu Kirkjuhvoli við Kirkjulund.

Fjallað verður um ferð Skógræktarfélags Íslands til Póllands í síðastliðnum mánuði þar sem notið var skóga og menningar.

Sigurður Þórðarson segir frá áhugaverðri ferð um fjöll, skóga og borgir í Póllandi og Erla Bil Bjarnardóttir sýnir myndir úr ferðinni.

Stjórnin

Skógræktarfélagar í Bæjarstaðarskógi

 

Skógræktarfélag Íslands stóð fyrir ferð austur í Öræfi dagana 25. og 26. september síðastliðinn að heimsækja skóginn í Bæjarstað eins og heimamenn segja og votta Reyninum í Sandfelli virðingu.

Um 80 ár er frá friðun Bæjarstaðarskógar er Hákon Bjarnason ásamt sjálfboðaliðum úr Öræfum afgirtu 22 ha með 2200 m girðingu, þá var skógurinn 12 ha. Tilefni ferðarinnar var að minnast friðunar skógarins. Bjarni Diðrik Sigurðsson, prófessor við LBHÍ, var leiðsögumaður göngunnar í Bæjarstað, enda gjörkunnugur á svæðinu. Vakti hann athygli á margvíslegu á leið okkar s.s. útbreiðslu birkisins út frá skóginum, sjálfgrisjun í skóginum bæði þeim eldri og yngri. Veðrið lék við göngufólkið sem hafði flýtt för í skóginn vegna slæmrar veðurspár. En veðrið var yndislegt með hreinni og tærri fjallasýn umhverfis og að Morsárjökli.

Mjög áhugaverð fræðsluerindi um Bæjarstaðarskóg fluttu Bjarni Diðrik, Sigurður H. Magnússon, Þorsteinn Tómasson og Aðalsteinn Sigurgeirsson.

 

Í lok ferðar var ekið austur að Sandfelli, þar sem reyniviðurinn staki var útnefndur „Tré ársins 2015“ að viðstaddri fjölskyldunni ættaðri frá Sandfelli ásamt skógræktarfélögunum. Reynirinn sem var gróðursettur árið 1923, kom nokkurra ára gamall úr gróðrastöðinni á Hallormsstað.

 

Frábær ferð til heiðurs hinum aldna skógi og reynivið.

Haustferð Skógræktarfélags Garðabæjar 2015

 

Árleg haustferð Skógræktarfélags Garðabæjar var að þessu sinni farin laugardaginn 4. september um Kjósina. Ferðin hófst í ræktun Sigþóru Oddsdóttur sem ættuð er frá Sandi, þar sem skoðuð var ræktun hennar og fjölskyldu til tuga ára á sandeyrum við Sandá. Svæðið er erfitt til ræktunar en þegar mokuð er hola fyrir plöntur þarf helst að nota haka og skóflu því upp kemur sandur og möl og síðan þarf að bæta mold í holuna. Þrátt fyrir það er þarna ótrúlega fljöbreytt og gróskumikil ræktun. Þaðan lá leiðin í Gildruholt sem er í landi Möðruvalla I þar sem Kristrún Sigurðardóttir og Símon Ólafsson ásamt fjölskyldu hafa ræktað og mótað um 3 hektara af landi síðan 1972. Í Gildruholti er landslag fjölbreytt þar sem skiptast á klettar, mýri og móar og Gildruholtslækur liðast um landið með fjórum mismundi brúm. Gróður er mjög fjölbreyttur með bæði nýjum og gömlum trjám samtals um 170 tegundir. Um landið hlykkjast um 2 km af stígum og vegum sem flestir eru slegnir grasstígar en einnig malar- og steinlagðir stígar. Hópurinn snæddi hádegisnesti í Gildruholti og að lokinni göngu um landið var boðið upp á tertu og kaffi áður en haldið var á næsta áfangastað.

Endað var á Stekkjarflöt, ræktun Ólafs Oddssonar og Eyglóar Rúnarsdóttir konu hans en skógurinn er kallaður Ólaskógur. Þar hófst ræktun um 1980 en landið er úr jörðinni Neðrahálsi þar sem Ólafur ólst upp. Ólaskógur er mjög fallegur og fjölbreyttur þar sem tekist hefur rækta skóg sem lítur út eins og náttúrulegur skógur. Ólafur tekur oft á móti hópum í skóginn þar sem hann fræðir fólk og kennir því að upplifa skóginn á mismunandi vegu með því að hlusta á skóginn, skynja lykt og viðkomu hans.

Þrátt fyrir smá úrkomu í logni nutu um 30 félagar úr Skógræktarfélaginu ánægjulegrar og fróðlegrar ferðar sem endra nær.

Skógræktarfélagar við ræktun Sigþóru Oddsdóttur frá Sandi.

Sigþóra Oddsdóttir tekur við plöntum úr hendi Barböru Stanzeit, gjaldkera Skógræktarfélags Garðabæjar.

Steinbrú í Gildruholti.

Kristrún Sigurðardóttir og Símon Ólafsson, gestgjafar í Gildruholti, taka við þakklætisvotti frá ferðafélögum.

Ólafur Oddsson sýnir hópnum ræktunina í Ólaskógi.