Skip to main content
search
Flokkur

Fréttir

apr 28
Love0

Vinnukvöld

Með Fréttir

Vinnu- og samverukvöld á þriðjudagskvöldum í maí og júní

 

Að venju hefjum við vinnukvöld vorsins nú í byrjun maí með hreinsunarátaki á skógræktarsvæðunum. Vinnukvöldin eru alltaf á þriðjudögum og er mæting kl. 20:00 við aðstöðu félagsins við Vífilsstaðaveg / Elliðavatnsveg. Alltaf er gott að taka með sér nesti.

 

Næsta þriðjudagskvöld 4. maí byrjum við á því að hreinsa til á svæðinu í Hádegisholti en hreinsunarátakinu í Garðabæ, Hreinsað til í nærumhverfinu, lýkur 7. maí.

 

Þriðjudagskvöldið 11. maí er síðan stefnt að því að hæla út nýjan stíg í Smalaholti, í framhaldi af stígnum sem lagður var þar í fyrrasumar. Næstu þriðjudaga þar á eftir verður hlúð að plöntum, hugað að gróðursetningum eða öðrum nauðsynlegum vorverkum á svæðunum.

 

Brynjudalsferðin margrómaða verður síðan farin þriðjudaginn 1. júní n.k. og þá er mæting kl. 18:00 frá aðstöðu félagsins.

 

Breytingar sem kunna að verða á þessari dagskrá verða kynntar jafnóðum á heimasíðu félagsins.

apr 14
Love0

Aðalfundur 2010

Með Fréttir

 Aðalfundur Skógræktarfélags Garðabæjar 2010

 

Af_aalfundi_2010                                  Hluti_stjrnar_2010

                       Af aðalfundi                                                                                                     Hluti stjórnar


Aðalfundur Skógræktarfélags Garðabæjar 2010 var haldinn mánudaginn 15. mars í Safnaðarheimilinu Kirkjuhvoli, auk venjulegra aðalfundastarfa hélt Ólafur Njálsson frá Nátthaga erindið „Aukin fjölbreytni í yndisskógrækt“.

 

Formaður félagsins Erla Bil flutti skýrslu stjórnar þar sem m.a. kom fram að félagið naut góðs af atvinnuátaki skógræktarfélaganna og Garðabæjar við gerð göngustígar í Smalaholti sumarið 2009.
Félagið réði einnig sl. sumar umsjónarmann til umhirðu á svæðanna og  til skipulagningar verkefna átakshópa á skógræktarsvæðunum m.a. við stígagerð.

Barbara gjaldkeri gerði grein fyrir reikningum félagsins yfir árið 2009 sem stendur vel fjárhagslega. Félagsgjald var ákveðið óbreytt eða kr. 1500 fyrri einstakling, kr. 2000 fyrir hjón og 250 kr. fyrir börn yngri en 20 ára.

 

Skógræktarfélagið ákvað á síðasta ári að ráðast í gerð heimasíðu og var hún opnuð formlega á aðalfundinum. Það gerðu Sigurður Þórðarson vefstjóri síðunnar og Sigurður Hafliðason sem er í vefstjórn. Síðuna hannaði Magnús Guðlaugsson, síðan er sett upp í „Joomla“ kerfi.

 

Að loknu kaffihléi hélt Ólafur Njálsson Gróðrarstöðinni Nátthaga mjög áhugvert erindi um Aukna fjölbreytni í yndisskógrækt

 

Kristrún Sigurðardóttir, varaformaður



mar 28
Love0

Stjórn félagsins

Með Fréttir
Aðalfundur 2016 haldinn í Safnaðarheimilinu Kirkjuhvoli

Stjórn milli aðalfunda 2015 – 2016

                               

Formaður:                                              Erla Bil Bjarnardóttir                  bil (hjá) internet.is

 

Varaformaður:                                       Kristrún Sigurðardóttir               kristrun (hjá) islandia.is

 

Ritari:                                                    Hildigunnur Halldórsdóttir                   hildah (hjá) hive.is

 

Gjaldkeri:                                               Barbara Stanzeit                        barbaras (hjá) internet.is   

 

Meðstjórnendur:                                   Björn Már Ólafsson

                                                              Sigurður Þórðarson               sigthordar (hjá) internet.is     

                                                              Sigurður Sigurkarlsson

 

Varastjórn:                                               Einar Örn Jónsson (vefstjóri)      skogverk (hja) gmail.com

                                                              Ásta Leifsdóttir

                                                              Heimir Sigurðsson

                                                              Smári Guðmundsson

 

Skoðunarmenn:                                     Ólafur Nilsson

                                                              Helgi K. Hjálmsson

 

Varaskoðunarmaður:                            Símon Ólafsson

 

mar 18
Love0

Myndsafn Skóg-Gb

Með Fréttir

 

{swf;https://www.skoggb.is/images/Flash/myndsafn_skograektarfelags_gardabaejar.swf;[changeparams]width=720;height=540;play=true;quality=high;[/changeparams]}

 

 

mar 16
Love0

Veður

Með Fréttir

{source}
<html>
<script type=“text/javascript“ src=“http://vedur.is/js/iframe.js“></script>
<script type=“text/javascript“><!–
VI.ifrm.type = ‘wst’;
VI.ifrm.area = 1;
VI.ifrm.lang = ‘is’;
VI.ifrm.displayWeather();
//–>
</script>
</html>
{/source}

mar 15
Love0

Græni stígurinn

Með Fréttir

Græni stígurinn

Samstarfshópur fulltrúa bæjarfélaga og skógræktarfélaga á höfuðborgarsvæðinu var kallaður saman veturinn 2005 af Skógræktarfélagi Íslands til að vinna áfram að framgangi Græna trefilsins. Skýrsla kom út úr því samstarfi 2006, þar sem rakin er staða svæðanna, hvaða þjónustu þau bjóða uppá með tilliti til aðgengis og útivistar fyrir almenning og í skýrslulok hver yrðu næstu sameiginleg markmið til úrbóta á svæðunum. Skýrslan var kynnt stjórn Sambands sveitarfélaga á höfuðborgarsvæðinu, það er borgarstjóra og bæjarstjórum á höfuðborgarsvæðinu.

Stærsta markmiðið var Græni stígurinn sem liðaðist eftir endilöngum Græna treflinum. Hann skyldi vera öllum greiðfær, malbikaður og þriggja metra breiður. Honum má líkja við bláa strandstíginn.

 

Nú tölum við upp Græna stíginn næstu árin, þar til hann kemst í framkvæmd sem er þungt skipulagsferli.

Nánar þá www.skog.is

mar 15
Love0

Græni trefillinn

Með Fréttir

Græni trefillinn

Græni trefillinn er samheiti yfir skógræktar- og útivistarsvæði á útmörk sveitarfélaganna sjö á höfuðborgarsvæðinu. Hann var  staðfestur í Svæðisskipulagi fyrir höfuðborgarsvæðið árið 2002 sem og aðalskipulagi einstakra sveitarfélaga. Af skog.is og sjá þar nánar.

 

Samstarf skógræktarfélaganna á höfuðborgarsvæðinu hófst 1992, er forsvarsmenn félaganna komu saman og ákváðu að safna saman gögnum um útivistarstíga á svæðum skógræktarfélaganna. Þau gögn voru þá varðveitt á allskonar teikningum og rissum hjá félögunum. Til verkefnisins voru fengnir landslagsarkitektar hjá Reyni Vilhjálmssyni, síðar Landslagi ehf. Forsvarsmenn félaganna vildu skoða stíganetið heildstætt og hvað bæri í milli að tengja svæðin saman sem mynduðu eina heild ofan höfuðborgarsvæðisins. Þessu heildstæða verki var skilað til viðkomandi bæjaryfirvalda/skipulagsmála og til höfuðstöðva skógræktarfélaganna, þ. e. Skógræktarfélags Íslands.

Oft þarf tíu ár til að tala upp verkefni, en mikilvægur áfangi náðist er Græni trefillinn komst á Svæðisskipulag höfuðborgarsvæðisins 2002. Þá vissu fáir hvað Græni trefillinn væri, en nú um áratug síðar kannast flestir við hann.

 

Skógræktarsvæðin eru útivistarsvæði fyrir allan almenning sem virðir gróður og góða umgengni. Svæðin eru nýtt af ýmsum hópum, hestamönnum, hundaeigendum, hjólreiðafólki og skíðaiðkendum.

mar 15
Love0

Atvinnuátak

Með Fréttir

Atvinnuátak 2009 – 2011

Þegar ljóst varð í upphafi árs 2009 að stórfellt atvinnuleysi myndi blasa við þjóðinni þá ákvað stjórn Skógræktarfélags Íslands að bjóða fram mannaflsfrek verkefni á sviði skógræktar sem hefðu það að markmiði að bæta útivistarsvæðin í upplandi höfuðborgarsvæðisins og á skógræktarsvæðum víðsvegar á landsbyggðinni. Tekið af vef S.Í. og sjá nánar skog.is

 

Skógræktarfélag Garðabæjar bauð bæjaryfirvöldum í Garðabæ til samstarfs við Atvinnuátak S.Í. 2009 með skipulagningu verkefna á skógræktarsvæðunum. Samningur var undirritaður í júní 2009 milli þessara þriggja aðila um verkefni fyrir 100 starfsmenn í tvo mánuði (júní/júlí). Verkefnið tókst vel sumarið 2009. Unnið var að fjölbreyttum verkefnum á svæðunum, þeirra stærst var lagning útivistarstígs á Smalaholti sem er fyrsti áfangi í gerð útivistarstíga á svæðinu.

Stjórn félagsins er reiðubúin til áframhaldandi samstarfs 2010.

mar 15
Love0

Aldamótaskógar

Með Fréttir

Aldamótaskógar

Í tilefni þúsaldamóta árið 2000 og 70 ára afmæla Skógræktarfélags Íslands og Kaupþings var stofnað til svokallaðra Aldamótaskóga á fimm svæðum á landinu, einu í hverjum landshluta. Aldamótaárið 2000 gróðursettu sjálfboðaliðar og starfsmenn skógræktarfélaga liðlega 280 þúsundir skógarplantna, eina fyrir hvern Íslending, en Kaupþing lagði til plöntur og áburð. Af skog.is

 

Að sjálfsögðu tóku skógræktarfélagar í Garðabæ vel við þeirri kvaðningu að rækta aldamótaskóg á Suðurlandi. Félaginu var úthlutaður reitur nr. 6, suðaustan undir háu rofabarði í landi Gaddstaða austan Hellu á Rangárvöllum.

Helgina 17. – 20. ágúst 2000 hófst gróðursetningin, er fjöldi fólks mætti á svæðið frá skógræktarfélögum á Suður- og Suðvesturhorni landsins undir stjórn Skógræktarfélags Rangæinga. Þá mettaði Markús Runólfsson þáverandi formaður Rangæinga mannfjöldann með pylsum og brauði, (hann lést 2002).

Samkvæmt dagbók félagsins voru gróðursettar í reitinn 7000 birkiplöntur og 400 sitkagreni, af 40 þátttakendum.

Síðan hefur reiturinn verið heimsóttur nokkuð reglulega, einu sinni á sumri. Þá er hlúð að plöntum, gefinn áburður og gróðursettar fleiri tegundir, aðallega víðitegundir. Góð spretta hefur verið þarna í sandinum sem tilbreyting er að takast á við, miðað við holtin í Garðabænum.

Close Menu