![](https://www.skoggb.is/wp-content/uploads/2024/06/IMG_20240408_122419573-scaled.jpg)
Fyrsta vinnukvöld Skógræktarfélags Garðabæjar heppnaðist svo vel að ákveðið hefur verið að blása til annars á morgun, mánudaginn 3. júní. Safnast verður saman við aðstöðu félagsins við Vífilsstaðaveg kl. 19 og farið þaðan á skógræktarsvæðin þar sem haldið verður áfram með áburðargjöf, hreinsun meðfram stígum og lagfæringar og snyrtingar. Þá stendur einnig til að gróðursetja nokkur tré. Allir eru hjartanlega velkomnir. Stjórn Skógræktarfélags Garðabæjar
|